Presidenti amerikan, Donald Trump, në fillim të dhjetorit, do të vizitojë Londrën për të marrë pjesë në një samit të NATO-s, njoftoi Shtëpia e Bardhë.
Presidenti amerikan pritet të diskutojë për shpenzimet e mbrojtjes nga ana e vendeve aleate, si dhe do të adresojë “rreziqet sigurisë kibernetike dhe terrorizmit”.
Samiti i 70-vjetorit të Aleancës do të mbahet më 3 dhe 4 dhjetor në një qendër luksoze golfi afër Londrës.
Shtëpia e Bardhë tha se Trump, në samitin e NATO-s, do të vlerësojë përparimin e organizatës, duke vënë në dukje që vendet anëtare duhet të ndajnë barrën financiare më mirë.
Trump do të qëndrojë në Britaninë e Madhe në ditët e fundit të fushatës për zgjedhjet e parakohshme parlamentare të planifikuara për 12 dhjetor.
Këto zgjedhje janë të rëndësishme, për të adresuar çështjen e daljes së Britanisë së Madhe nga Bashkimi Evropian.
Presidenti amerikan, nuk e ka fshehur më parë mbështetjen e tij për kryeministrin britanik, Boris Johnson. Trump është zotuar për një marrëveshje tregtare “madhështore” pasi Britania të tërhiqet nga anëtarësimi në BE.
Sidoqoftë, ai kohët e fundit shprehu rezerva në lidhje me ujdinë që “miku i tij” Johnson kishte arritur me Brukselin për Brexitin, duke deklaruar se një marrëveshje e tillë nuk do të ishte e mirë për një marrëveshje të ardhshme tregtare me SHBA-në.
Presidenti amerikan ishte në Londër në fillim të qershorit, pak para dorëheqjes së kryeministres së atëhershme, Theresa May, të cilën ai e kishte kritikuar disa herë.
“Po përcjellët nga AKI-ja”, Mehmetaj – VV-së: Stalinistët s’...
“Hajde pimë kafe, mos e keni ftohtë”, Kajtazi tregon se si e...
Akuza e Harrisit: Trump, si Hitleri, me gjeneralët e ushtris...
Porosia e Buzhalës për shefin e AKI-së: Nuk na tutni, rrini ...
Kajtazi: Në AKI ekziston struktura paralele që i shërben pus...
Krasniqi: Bedri Hamza është kryeministri më i mirë që Kosova...